Арзиши ин гитор дар музояда ба 2,4 миллион доллар расид.
Ба иттилои “Садои Амрико” шахсияти харидор ошкор карда намешавад.
Ташкилкунандаҳои музояда дар шарҳи ин гитор навиштаанд, ки “вай аз лиҳози таърихӣ муҳимтарин васлкунанда бо гурӯҳи Beatles мебошад”.
Ба иттилои Julien's ин гитор баъд аз ҳунарнамоии солинавии Beatles дар боғи Финсберии Лондон дар моҳи декабри соли 1963 нопадид гашт ва беш аз ним аср дар бораи сарнавишти он иттилое вуҷуд надошт. Ташкилкунандагони музояда изҳор доштанд, ки ин “нодиртарин ва муҳимтарин гитор дар таърихи Ҷон Леннон мебошад”.
Гуфта мешавад, ки Леннон ва Ҷорҷ Харрисон дар соли 1962 як донаӣ аз гитори ширкати Gibson харидорӣ кардаанд. Ин ду гитор аз Амрико ба Бритониё “бо дастури махсус” ворид карда шуданду якхела буда, танҳо шумораи онҳо фарқ мекунад. Ба иттилои ташкилкунандагони музояда Леннон ин гиторро зимни навохтани оҳангҳои бештаре аз навоҳои ин гурӯҳ, ки дар солҳои 1962-1963 сабт шудаанд, истифода кардааст.