Соңғы уақытта Қазақстан футболы федерациясының жетекшісі Ерлан Қожағапанов пен оны сынап мәлімдеме жасаған Қазақстан президенті Нұрсұлтан Назарбаевтың жиені Айсұлтан Назарбаев арасында өрбіген даулы мәселе қоғамның назарына ілінген еді.
Бірақ, Ерлан Қожағапанов «федерация төңірегінде дау жоқ, талқылау ғана бар» деп санайды. Оның сөзінше, форумға қатысудан бас тартқан Айсұлтан Назарбаевтың мәлімдемесі «футболды дамыту тақырыбына назарды күшейткен».
Қазақстан президенті Нұрсұлтан Назарбаевтың үлкен қызы Дариға Назарбаева мен оның бұрынғы күйеуі марқұм Рахат Әлиевтің ұлы - 25 жастағы Айсұлтан Назарбаев бұған дейін Facebook парақшасында бұл форумға қатыспайтынын жазған.
ҚФФ президенті қызметін «Астана» футбол клубы кіретін «Астана» президенттік кәсіби спорт клубының бас директоры лауазымымен қатар атқарып жүрген Ерлан Қожағапановты «мүдделер қайшылығына» қатысты айыптаған Айсұлтан Назарбаев қыркүйек айында футбол саласын басқаратын шенеунік ретінде өз кандидатурасын ұсынған.