Ссылки доступа

Давутоглу Ресейді Сирияда «этникалық тазалау» жасап жатыр деп айыптады


Turkey -- Turkish Prime Minister and leader of the Justice and Development Party (AKP) Ahmet Davutoglu delivers a speech during an AKP meeting at the Grand National Assembly of Turkey (TBMM) in Ankara, December 8,2015

Turkey -- Turkish Prime Minister and leader of the Justice and Development Party (AKP) Ahmet Davutoglu delivers a speech during an AKP meeting at the Grand National Assembly of Turkey (TBMM) in Ankara, December 8,2015

Ресей Сирияның солтүстігінде араб-сүниттер мен түркімендерге қарсы «этникалық тазалау» жүргізуде. Бұл туралы сәрсенбі күні Түркия премьер-министрі Ахмет Давутоглу мәлімдеді.

«Ресей солтүстік Латакиядан сириялық режимді қолдамайтын араб-сүнниттер мен түркімендерді қуып шығуға тырысуда», – деді ол Стамбулда. Оның сөзінше, Ресей өз әрекеттерімен сириялық оппозицияға соққы бере отырып, Сирияда «Ислам мемлекеті» экстремистік тобының позициясын күшейтуде.

Латакияда ресейлік ұшақтар мен тікұшақтар пайдаланатын әуе базасы орналасқан.

Бұған дейін Түркия мен Ресей бір-бірін «Ислам мемлекетімен» заңсыз мұнай саудасын жасайды деп айыптаған еді.

Екі елдің қарым-қатынасы қарашаның 24-і күні, түріктің әуе күштері Сирияның Түркиямен шекаралас ауданында ресейлік Су-24 жойғыш ұшағын атып түсірген соң шиеленісіп кетті. Анкара ескертулерге қарамастан, ұшақтың өз әуе кеңістігін бұзғанын айтады. Мәскеу бұл айыптауларды жоққа шығарып, Түркияға қарсы санкциялар енгізді.

XS
SM
MD
LG