Президенттен берилген ишенимди актай албадым деп кечирим сурады. «Эгер сот жана мамлекет башчы кайрадан катарга кошулууга уруксат берсе, өз билимим менен тажрыйбамды өлкө үчүн жумшап, ак экенимди далилдөөгө даярмын», - деди Ахметов.
Мындан тышкары чоң суммада пара алды деген берене боюнча айыптын тастыкталбаганына байланыштуу алып салынганы үчүн тергөөчүлөргө ыраазычылык билдирип, калыс, акыйкат өкүм чыгарылат деген үмүттө экенин кошумчалады.
9-декабрдагы жараянда мурдагы премьер-министрдин жактоочулары анын күнөөсүз экенин, ушул иш менен чогу айыпталып жаткандардын айрымдары куру жалаа жапканын белгилешип, Ахметовду толук актоону соттон өтүнүштү.
Ахметов 2014-жылы ноябрда камакка алынган. Аны менен кошо 21 адамдын соту жүрүүдө. Алардын арасында Караганда облусунун мурдагы башчысы, Караганда шаарынын экс-мэри жана башка аткаминерлер, ишкерлер бар. Прокуратура мурдагы өкмөт башчыны үй-мүлкүн конфискациялоо, мамлекеттик кызматтарды ээлөө укугунан ажыратуу менен 12 жылга абакка кесүүнү сураган болчу. Ишти Караганда соту карап жатат.