Ссылки доступа

Путин: Мәскеу КСРО-ны қалпына келтіруді көздемейді


Ресей президенті Владимир Путин Ресейдің ешқашан Кеңес Одағын қайта құруға тырыспағанын және бұған „ешкімнің сенбейтінін„ мәлімдеді.

Әлемдік тәртіпке арналған кешегі телевизиялық көрсетілімде Путин: «Украина мен жалпы посткеңестік кеңістікті алсақ, біздің батыстағы әріптестеріміздің, еуропалық және америкалықтардың көзқарасы Украинаның мүддесін қорғау емес, Кеңес Одағын қалпына келтіруге кедергі жасау екеніне күмәным жоқ және Кеңес Одағын қайта қалпына келтіруді көксемейтінімізге ешкім сенбейді», – деді.

Қырғи-қабақ соғыстан бергі Мәскеу мен Батыстың қарым-қатынасы былтырғы жылдың наурызында Ресей украиндық Қырым түбегін басып алғалы бері және Украинаның шығысындағы қақтығыстардың салдарынан ушығып кетті. Ресей қолдап отырған жікшілдер мен украин әскерилерінің арасындағы соғыстан 2014 жылдың сәуірінен бері тоғыз мыңнан астам адам қаза тапты. Мәскеу украин ұлтшылдары осы өңірде тұратын этникалық орыстар мен орыс тілінде сөйлейтін украиндықтарға қауіп төндіреді деп санайды.

XS
SM
MD
LG