Бул кылмышка айыпталгандардын арасында мурда диний экстремизм боюнча соттолгондор бар, Арстанбап айлындагы үйлөрдү тинтүү учурунда диний-экстремисттик адабияттар, курал-жарактар табылган, деп айтылат маалыматта.
Өткөн жылдын 30-31-декабрында облустук ички иштер башкармалыгы, УКМК жана ИИМдин 10-башкармалыгы менен биргеликте диний экстремисттик уюмга шектүүлөрдүн үйүн тинтүүгө алып, Жалал-Абад шаарында, Сузак, Базар-Коргон жана Ноокен райондорунда атайын операция өткөрүшкөн. Арстанбап айыл аймагындагы төрт үй тинтүүгө алынган. Буга нааразы болгон арстанбаптыктар 4-5-январда митингге чыгышкан.
