Созмони ҳуқуқи башари Syrian Observatory for Human Rights (SOHR), ки дар Бритониё мустақар аст, изҳор медорад, ки зимни ҳамлаи ҳавоии русӣ ба бозор дар вилояти Идлиби Сурия шаш шӯришӣ ва 23 ҷангии гурӯҳи ифротии "Ҷабҳат ал-Нусра", ки бахши суриягии "Ал-Қоида" дониста мешавад, кушта шудаанд.
Дар ин бино додгоҳи шариатӣ ва маҳбасхона низ воқеъ буд. Дар ҳамлаҳои ҳавоӣ 52 нафар бо шумули сокинони осоишта ва маҳбусоне, ки зимни зарбаи ҳавоӣ дар ин бино қарор доштанд, кушта шудаанд. Гуфта мешавад, ки дар миёни кушташудагон дастикам ду зан ва як кӯдак буданд.
Русия 30 сентябри соли гузашта барои дастгирии раиси ҷумҳури Сурия Башор Асад, ки шарики Кремл мебошад, дар ин кишвар амалиёти ҳавоӣ роҳандозӣ кард.