Ссылки доступа

АҚШ пен Ресей: Сирияға қатысты келіссөздер уақытында өтеді


АҚШ пен Ресей халықаралық қауымдастықтың араағайындық жасауымен өтетін сириялық үкімет пен оппозициялық топтардың келіссөзі, оппозициядан кімдердің қатысатыны әлі белгісіз болғанына қарамастан, келесі аптада болады деп хабарлады.

“Біздің келіссөзді қаңтардан ақпанға ауыстыратын ниетіміз жоқ”, - деп мәлімдеді Ресей сыртқы істер министрі Сергей Лавров Цюрихте америкалық әріптесі Джон Керримен кездескеннен соң.

Кеңес 25 қаңтарға белгіленген. Лавровтың сөздерінше, келіссөздің нақты күнін БҰҰ-ның бас хатшысы Пан Ги Мун белгілейді. Оның өзі де бұл келіссөзге қатысуды жоспарлап отыр.

18 қаңтарда БҰҰ егер бейбіт процесті жүргізуге ниетті державалар Ресей мен АҚШ сириялық оппозиция атынан кімдердің қатысатынын әлі шешпесе, шақыру таратпайтынын мәлімдеген болатын.

АҚШ мемлекеттік департаментінің баспасөз хатшысы Марк Тонер егер келіссөздің бірнеше күнге кейінге шегерілсе, бұл “заман ақыры” болмайды деді.

XS
SM
MD
LG