Ссылки доступа

Меркель: Сирияда учууларга тыюу салынган мейкиндик керек


Германиянын канцлери Ангела Меркель Сириядагы гуманитардык кырдаалга тынчсызданып, бул өлкөдө карапайым калкты коргоо үчүн учууларга тыюу салынган мейкиндик түзүүгө чакырды.

Бундестагда сөз сүйлөп жатып Меркель Сирияда согушкерлерге сокку уруп жаткан коалициянын катышуучулары өкмөттүк күчтөр менен оппозициянын ортосундагы макулдашууга жетишүүсү керектигин белгиледи.

Шаршембиде Түркиянын президенти Режеп Тайип Эрдоган өз аскерлери сириялык күрддөрдүн ыктыярдуу отряддарын бутага алууну токтотпой турганын, алардын чек арадагы ок атууларына жооп кайтарылып жатканын жарыялаган.

Эрдогандын пикиринде, Сириядагы күрддөр партиясынын демократиялык бирлигинин куралдуу топтору Орусиянын аба соккуларынан пайдалануу менен жаңы райондорду басып алууда.

Түрк президенти Орусиянын аракети Сирия согушун жөнгө салууга тоскоол болуп жатканын кошумчалап, эл аралык коомчулукту Башар Асад менен расмий Москванын кадамдарына каршы турууга үндөдү.

XS
SM
MD
LG