Ссылки доступа

Кыргызстан тажик жарандарына жеңилдетилген паспорт алууну сунуштоодо


Kyrgyzstan-Kyrgyz Passport, 1Feb2015

Kyrgyzstan-Kyrgyz Passport, 1Feb2015

Кыргызстан менен чектеш аймактардагы Тажикстандын тургундары кыргыз бийлигинен жеңилдетилген жол менен жарандык алуу сунушу түшкөнүн билдиришти.

Тажикстандын Бобожон Гафуров районунун тургуну Абдухолик Абдуллоев Кыргызстандын жарандыгын алгандан кийин гана ал жактан жер тилкеиштетүүгө жол ачылганын кабарлады. Ал эми Исфара районунун Чорку айылынын башчысынын орун басары Абдухалил Шарифов жергиликтүү жашоочулар кыргыз тараптын сунушун четке какканын айтууда.

Баткен облусунун Лейлек районунун өкүлү болсо кыргыз атуулдугун алуу тууралуу сунуш Кыргызстандын аймагындагы жерлерди туруктуу иштетүүнү көздөгөн тажик жарандарына гана тиешелүү экенин маалымдады. Анын айтымында, тажикстандыктар Кыргызстандын жерлерин иштеткиси келет. Мындан улам аларга чек араны бузуп өтпөй, мыйзамдуу иштөөгө шарт түзүү демилгеси көтөрүлдү.

Тажикстан менен Кыргызстандын чек арасы 970 чакырымга созулат. Анын 519 чакырымы гана такталган. Чекит коюлбаган чек ара маселесинен улам эки өлкөнүн чектеш аймактарынын тургундардын ортосунда ар кандай чыр-чатактар катталып келүүдө.

XS
SM
MD
LG