Ол бұл пікірін Бішкекте өткізген баспасөз мәслихаты кезінде мәлімдеді.
Турат Акимов сөзіне ешқандай дәйек келтірмеді, тек өзіне не болмаса туыстарына қарсы бір жағдай бола қалса, ІІМ басшылығымен және оның көмекшісімен болған әңгіменің аудиосын интернетке жариялайтынын ескертті.
Журналист президент аппаратының басшысы Фарид Ниязовқа өзінің үйіне бейнебақылау жүргізуін, күзетпен қамтамасыз етуін және өзіне қару ұстап жүріне рұқсат беруін сұрады.
Еске сала кетейік, "Деньги и власть" газетінің бас редакторы Турат Акимовқа 20 ақпан күні белгісіз біреулер шабуыл жасаған. Журналистің сөзінше, оқиға көлігін ауласына кіргізе бергенде орын алған.
"Басымнан темір затпен ұрды. Олар мені өлтіргілері келді. Бұл менің жұмысыма тікелей қатысты деп есептеймін", -деді ол.
Қырғызстан президенті Алмазбек Атамбаев журналистке жасалған қастандықты зерттеуді тікелей өзінің бақылауына алды.
Оқиға бойынша, Қылмыстық кодекстің "Бұзақылық" бабы бойынша, қылмыстық іс қозғалып, тергеу жұмыстары жүргізіліп жатыр.
Турат Акимов өзінің мақалаларында қазіргі биліктің іс-әрекетін сынайды.