Өзбек билігінің өкілдері өткен аптада тұтқындалған Ахмаджон Усмановтың Өзбекстанның ұлттық қауіпсіздік қызметінің тергеу абақтысында тергеліп жатқанын хабарлады. Оған қарсы іс ақпан айының ортасында қозғалған.
Усманов Ташкент облысының хокимі қызметінен 4 ақпанда алынды, одан соң облыстық кеңестегі мүшелігінен айырылды. Басынан бақ тайған Усмановқа өзбек ақпарат құралдары Ислам Каримовтың өзіне айтқан сындарын бастан-аяқ тізіп, есіне салды.
2006-2013 жылдар аралығында Әндіжан облысын басқарған Усмановты жергілікті тұрғындар асқан қатігездігі үшін «Гитлер» деп атап кеткен еді.