Ссылки доступа

“Евровидение” сынагынын тандоо айлампасында Путин жөнүндө пародия көрсөтүлдү (видео)


Словенияда “Евровидение -2016” сынагынын улуттук тандоо бөлүгүндө жергиликтүү ырчы, актер жана куудул Клемен Слаконья Орусия президенти Владимир Путин жөнүндө ыр аткарды.

Бул туурасында “Свобода” радиосу билдирет. Шоу учурунда ал Путиндин фамилиясын англис тилиндеги “put in” этиши менен айкалыштырып, тамашага салган. Видео тасмада куудул “Путин циркинде” ойноп, илбирстерге аңга чыгып, күч түзүм кызматкерлери, балериналар менен бийлеп, футболчуларга кызыл карточка таркатат.

Бул чыгарма аркалуу Салаконья чоң мамлекеттин президенти болуш кандай керемет экендигин ишаарат кылган.

Клемен Слаконья Любляндагы словен улуттук “Драма” театрындагы труппанын мүчөсү. 2007-жылы, ноябрда “Хри-Бар” телешоусуна катышып, белгилүү музыканттарды пародияга салгандан кийин атагы чыккан.

XS
SM
MD
LG