Дар ин додгоҳ айби вай дар ҳамдастӣ дар қатли ду хабарнигор дар наздикии Луганск ва убури ғайриқонунӣ аз марз муҳокима мешавад.
Вакили дифоъ Николай Полозов, ки имрӯз аз Москва ба Донетск омад, дар Twitter навиштааст, ки зерҳимояаш мушкили қалб дорад. Пештар вакилони дифоъ изҳори нигаронӣ карда буданд, ки ба сабаби гуруснанишинӣ Савченко нерӯ нахоҳад дошт, ки дар додгоҳ суханронӣ кунад.
Матни суханронии охирини Надежда Савченко 3 март дар Интернет нашр шуд. Дар ин рӯз додгоҳ иҷоза надод, ки Надежда суханронӣ кунад ва идомаи муҳокимаро ба 9 март гузаронид. Ин нахустин гуруснанишинии Савченгко аз замони боздошташ дар тобистони соли 2014 нест.
Савченко ҳамаи айбҳоро рад карда, талаб дорад, ки ӯро ба Украина баргардонанд. Аз 7 март дар шаҳрҳои Украина ва Русия ва ҳамчунин дар бархе аз кишварҳои дигар ҳамоишҳо бо талаби озодии фаврии Савченко баргузор мешаванд.