Ссылки доступа

Тажикстан ИИМи Рогундагы окуя боюнча түшүндүрмө берди (видео)


Tajikistan, meeting, Dushanbe 09.03.2016

Tajikistan, meeting, Dushanbe 09.03.2016

Тажикстандын Ички иштер министрлиги Рогун тургандарынын камалышы боюнча маалымат берди. Расмий сайтта кабарлангандай, радикалдуу жана экстремистик топторго тиешеси бар деген кине менен бир нече жаран кармалып, айрымдары күбө катары чакырылган.

Мындан тышкары эч кандай митинг болбогонун, Тажикстанда мыйзамсыз жыйындарга тыюу салынганы баса белгиленген.

Үч күн мурун жаш жигиттер кармалып, Дүйшөмбүнүн Фирдавси райондук милиция бөлүмүнө алып келинген. 9-март күнү Калаи Нав конушунун жашоочулары чогулуп, аларды бошотууну талап кылган.

Алар салафи агымынын идеяларын колдойт деген шек менен кармалганы белгиленүүдө. Кармалгандар арасында Рогундун Калаи Нав конушунун имам-хатиби жана жергиликтүү бир дарыгер да бар.

Буга чейин Тажикстандын ички иштер министрлиги жаштардын диний-экстремисттик уюмдарга кошулуп кетишин алдын алуу үчүн «Активист» деген топторду түзүү демилгесин көтөргөн. Алардын мүчөлөрү калкка исламдын, пайгамбардын хадистеринин маани-маңызын түшүндүрүп турмакчы.

XS
SM
MD
LG