Игор Каляпин, раиси Кумитаи пешгирӣ аз шиканҷа ба ҳайси нозири муҳокимаи парвандаи ду украинӣ, ки барои ширкат дар амалиёти ҷангии зидди Русия дар соли 1996 айбдор мешаванд, ба Чеченистон омада буд.
Шаби 16 март мудири меҳмонхона бо мардони мусаллаҳ ҳозир шуда, фармон дод, ки Каляпин меҳмонхонаро тарк кунад. Дар кӯча ба ӯ як гуруҳи иборат аз 15 нафари ниқобдор ҳамла кард. Ба иттилои хабарнигори Centralasian.org, сӯи Каляпин тухм, "зеленка" ва кулчақанд (торт) ҳаво дода, баъдан лату кӯб кардаанд. Вай ҷароҳати вазнин набардоштааст.
Як ҳафта пеш аз ин ҳодиса дар роҳ ба сӯи Грозний ба микроавтобуси Кумитаи пешгирии шиканҷа, ки ҳомили фаъолону рӯзноманигорон буд, ҳамла шуд. Ҷинояткорони ношинос бо корд ва чӯбдастҳо мусаллаҳ буданд. Дар ин ҳамла қисме аз дастгоҳҳои рӯзноманигорон дуздида ё шикаста шуданд.