Ссылки доступа

Орусияга Сириянын мөмө-жемиштери келе баштады


"Коммерсант" гезитинин маалыматына ылайык, импортерлук вазийпаны аткарып жаткан"Адыг-Юрак" компаниясы Москвадагы "Европейский" соода борбору жана “Украина” мейманканасынын кожоюндары-ишкерлер Год Нисанов менен Зарах Илиевдин бизнес түзүмдөрүнө тиешеси бар болушу мүмкүн.

“Адыг-Юрактын"ээси жана директору Аслан Панештин айтымында, Новороссийский портуна азык-түлүктүн экинчи партиясы келди. Алардын ичинде 3 миңге чукул цитрус жемиштери, капуста жана томат бар. Панеш Пятерочка" жана "Магнит" чекене соода түйүндөрү менен кызматташуу боюнча сүйлөшүүлөр жүрүп жатканын кошумчалады.

"Коммерсант” кабарлагандай, Нисанов менен Илиев "Адыг-Юрак" компаниясынын тең төрагалары болуп калуулары этимал. Алардын өнөктөшү-Ильгам Рагимов Forbes журналынын маалыматы боюнча президент Владимир Путиндин курсташы.

Түркиянын аскердик аба күчтөрү Орусиянын Су-24 учагын атып түшүргөндөн кийин ушул жылдын январь айынан тарта Түркиядан келген мөмө-жемиштерге тыюу салынган.

XS
SM
MD
LG