Оппозициянын митинги белгисиз мөөнөткө жылганын “Эл үнү" кыймылынын жетекчиси Азимбек Бекназаров тастыктады.
Бекназаров Аксыдагы азыркы абалды "чыңалган" деп атап, митингди өткөрбөө чечими ушул себептен улам кабыл алынганын айтты.
22-мартта интернетке оппозициячыл маанайдагы айрым саясатчылардын Ошто өтчү жыйыны, бийликти күч менен алмаштыруу тууралуу сүйлөшүүлөрү деген тымызын жаздырылып алынган аудио тасмалар жарыяланган болчу. УКМК интернетке жарыяланган сүйлөшүүлөрдүн анык экенин экспертиза далилдегенин тастыктады.
18-марттан бери Аксы тарапта кыргыз-өзбек чек арасындагы талаштуу тилкеде өзбек чек арачылары турат. Кыргызстан муну мыйзамсыз кадам деп атоодо.