Associated Press агенттиги билдиргендей, өлкө президенти Гуннлёйгссондун отставкасын кабыл алдыбы-жокпу, азырынча белгисиз.
Буга чейин миңдеген исландиялыктар Рейкьявиктеги өлкө парламентинин алдына премьер-министрдин кызматтан кетишин талап кылып митингге чыгышкан. Панамалык Mossack Fonseca юридикалык фирмасын иликтөөнүн жыйынтыктары боюнча исландиялык премьер-министр менен анын жубайынын офшордук фирмасы бар экендиги аныкталган. Бирок ал фирмадагы үлүшүн саясатчы 2009-жылы парламентке шайлангандан кийин көрсөткөн эмес.
Исландиялыктардын Гуннлёйгссонго нааразы болушунун негизги себеби – өлкөдө 2008-жылдан тарта валюталык жөнгө салуунун катаал чаралары колдонулуп, капиталды алып чыгууга жана алып кирүүгө чектөө киргизилгендигине карабастан, анын үй-бүлөсүнүн чет өлкөдө купуя каражаттарынын болгондугу. Mossack Fonseca ачыктаган документтерде премьердин үй-бүлөсүнүн мурастап калган каражаттары туурасында сөз болгон.