Тавре хабаргузории Associated Press менависад, президенти Исландия ҳанӯз эълон накардааст, ки истеъфои Гуннлёйгссонро хоҳад пазируфт ё на.
Пештар ҳазорон исландиёӣ дар Рейкявик - пойтахти Исландия назди бинои парлумон баромада, истеъфои сарвазирро талаб карданд. Дар таҳқиқоти рӯзноманигорӣ гуфта шудааст, ки сарвазири Исландия ва ҳамсараш ширкати офшорӣ доранд. Сарвазир баъди ба вакилӣ интихоб шуданаш дар соли 2009, дар ин бора ҳисобот надодааст.
Исланидҳо аз он норизоанд, ки хонаводаи Гуннлёйгссон бо роҳи пинҳонкорӣ дар хориҷ аз кишвар дороӣ доранд. Дар ҳоле, ки аз соли 2008 инҷониб Исландия воридоту содироти сармояро ба кишвар зери назорати шадид гирифтааст. Таҳқиқоти рӯзноманигорӣ мегӯяд, хонаводи Гуннлёйгссон ин дороиҳоро аз роҳи мерос ба даст овардаанд.