Маалыматка караганда, табият кырсыгы 513 турак-жайга зыян келтирип, 201 үйдү суу каптаган. Андан тышкары унаа жолунун 190 тилкеси зыянга учурап, эки көпүрө суу алдында калган. Опурталдуу жерлерден 961 адам эвакуацияланып, азыркы тапта алардын 464ү үйлөрүнө кайтты. 468и туугандарынын үйлөрүнө жайгаштырылып, 29у эвакуация жайларында күн кечирип жатышат.
Өзгөчө кырдаалдар комитети кооптуу жерлерде убактылуу коргоочу суу тосмолор тургузулуп, эриген кар атайын техниканын жардамы менен сордурулуп жаткандыгын кабарлайт.
