Ссылки доступа

 Путин орусиялыктар менен 14-жолу “түз байланышка” чыгат


Орусия президенти бүгүн салтка айланган “Владимир Путин менен түз байланыш” эфиринде элдин суроолоруна жооп берет. Бул анын 2001-жылдан берки 14-чү түз эфири болуп саналат.

Президентке бериле турган суроолорду бир жума мурун топтоп башташкан. Ал эми программа башталарына бир сутка калганда кайрылуулардын саны бир миллиондон ашты. Бул жылы биринчи ирет суроону “Вконтакте” социалдык түйүнү аркылуу жолдоо мүмкүнчүлүгү жаралды. Кремлдин ырасташынча, анда 100 миңден ашуун адам катталган.

Бир күн мурун президенттин басма сөз катчысы Дмитрий Песков кабарлагандай, көбүрөөк берилген суроолордун арасында баалардын өсүшүнө, жеңилдиктерге жана пенсияларды индексациялоого, билим берүүнүн сапатына, коррупция менен күрөшүүгө, бюрократизмге, чакан бизнести колдоого, Украинанын чыгышындагы жаңжалды жөнгө салууга, Орусиянын АКШ, НАТО жана жалпы Батыш менен алакасына байланышкан маселелер бар.

Студияда президент менен кошо губернаторлор, министрлер жана башка чиновниктер да отуруп, Орусиянын жашоочулары көтөргөн маселелер боюнча жооп беришет.

2013-жылы Путин 4 саат 48 мүнөт бою тынбай суроолорго жооп берип, “Түз байланыш” боюнча рекорд койгон. Былтыр болсо анын орусиялыктар менен баарлашуусу төрт саатка жакын созулган.

XS
SM
MD
LG