Агенттиктин маалыматы боюнча Жолдубаевге карата Казакстандын Чек ара кызматы сотко чейинки иликтөө иштерин баштады. Материалдар ошол эле күнү Жамбыл облусунун Кордай районунун прокуратурасына берилген.
Буга чейин социалдык түйүндөрдө 1987-жылы туулган Жолдубаев Эрмек Ырысбаевичтин маңзат менен кармалгандыгы жөнүндө маалымат жарыяланган.
Анын шымынын оң чөнтөгүнөн кара-жашыл түстөгү, ачык суу жыттанган зат салынган полиэтилен мүшөкчө алынган. Соттук-химиялык экспертизанын корутундусуна караганда, бул зат-салмагы 2,03 грамм болгон баңгизат.
Кыргызстандын Башкы прокуратурасынын басма сөз кызматы Э.Жолдубаевдин кармалгандыгын четке каккан болчу. «Интернетте Казакстандын аймагында 9-апрелде башкы прокурордун тууганы делген адам менен болгон окуя тууралуу маалымат жайгаштырылган. Бирок белгилеп кое турган нерсе - Жолдубаев Эрмек Ырысбаевич азыркы тапта Бишкек шаарында, ал 2016-жылдын 9-апрелинде Кыргызстандан Казакстанга да, Казакстандан Кыргызстанга да баруу үчүн мамлекеттик чек арадан өткөн эмес”.
Эрмек Жолдубаев өлкөнүн башкы прокурору Индира Жолдубаеванын иниси.