ҚР қорғаныс Кеңесінің хатшысы Темір Жұмақадыров "шекара қауіпсіздігін күшейтуге байланысты бірқатар тапсырма берілгенін, негізінен: шекара қауіпсіздігінің әлеуетін көтеру, әскери дайындықты күшейту, мемлекеттік шекара қызметін материалды-техникалық қамтамасыз етуді нығайту мәселелеріне көңіл бөлінгенін" мәлімдеді.
Оның айтуынша, жекелеген мемлекеттік органдарға әлеуметтік-экономикалық дамуды қамтамасыз ету үшін шекара маңындағы жұмыстардың тиімділігі мен белсенділігін арттыру жүктелген. "Шекара маңындағы аймақтарда түрлі қақтығыстардың алдын-алу үшін, тұрғындар арасында түсіндіру жұмыстарын үнемі жүргізу тапсырылды," - деді Темір Жұмақадыров.
Ол сонымен бірге, шекара маңындағы қақтығыстардың азайып, делимитация және демаркация жұмыстарының алға жылжығанын атап өтті.