Ссылки доступа

Украина елшілігі Кремль алдындағы Киев тасына гүл себетін қойды


Moscow Kiyev Monument City Hero Kremlin Wall Flowers

Moscow Kiyev Monument City Hero Kremlin Wall Flowers

Жеңіс күні қарсаңында әлеуметтік желілерде Ресей билігінің батыр қала Киев тасын ескерусіз қалдырғаны жөнінде жазылған еді. Онда тек қарапайым азаматтардың гүл шоқтарын қойып жатқаны айтылған.

Осыдан кейін Украинаның Ресейдегі елшілігі украин туы түстес лентамен ораған гүл себетін Кремль қабырғасындағы батыр қала Киев тасына қойды. Алдын Кремль қабырғасындағы "Белгісіз сарбаз қабірі" ескерткіші жанындағы он екі батыр қала тасына гүл себеттері қойылып, тек Киев тасы ғана ескерусіз қалған. Осыдан кейін украин елшілігі арнайы барып, гүл себетін қойды деп хабарлайды дипломатиялық мекеменің өкілдері.

"Белгісіз сарбаз қабірі" деп аталатын мемориялды архитектуралық ансамбль Кремль қабырғасында 1966–1967 жылдары салынған. Онда гранит тасынан жасалған арнайы тастар бар. Тастарда Герман-Совет соғысына қатысқан әрбір батыр қаланың аттары қашалып, жазылған. Тастың ішінде сол қалалардың топырақтары қойылған.

XS
SM
MD
LG