Додситонӣ бар ин назар аст, ки Раҳматов ба ҷонибдорӣ аз ДИ дар дохили ин кишвар фаъолият карда, гӯиё барои шахсоне, ки мехостаанд ба сафи ҷангҷӯёни ин созмони тундрав бипайванданд, кумак менамудааст.
Дар робита ба ин ҳодиса замоне парванда боз гардидааст, ки Абдурасул Ҷӯрабоев, шаҳрванди дигари Ӯзбекистон, ки дар Бруклин ба сар мебарад, бо нашри матлабе дар яке аз сомонаҳои ҷонибдори ДИ таваҷҷуҳи пулисро ба худ ҷалб кард. Дар рафти тафтишот муайян шуд, ки Ҷӯрабоев ҳамроҳ бо Акмал Зокиров, шаҳрванди Қазоқистон, ки ӯ низ дар Бруклин зиндагӣ мекард, нияти сафар ба Сурияро доштаанд.
Раҳматов ва Аброр Ҳабибов, Дилҳаёт Қосимов ва Акмал Зокиров, ки дар доираи ин парванда боздошт шуданд, гӯиё барои кумак кардан ба Сайдаҳматов маблағ ҷамъ менамудаанд. Сайдаҳматов моҳи феврали соли 2015 дар фурудгоҳи Ню-Йорк ҳангоми парвоз ба шаҳри Истанбул боздошт гардида буд. Моҳи августи соли гузашта Ҷӯрабоев ба гуноҳаш иқрор шуд.