Ссылки доступа

Өзбекстанда учкучсуз учакты колдонгондор эркинен ажыратылышы мүмкүн


Copyright: Dmitry Kalinovsky

Copyright: Dmitry Kalinovsky

Өзбекстанда Кылмыш кодекси менен Административдик кодекске өзгөртүүлөрдү киргизүү жөнүндө мыйзам долбоору талкууланууда.

Долбоордо учкучсуз учакты колдонгондорду 15 суткага камоодон тартып 5 жылдан 10 жылга чейин эркинен ажыратуу каралган. Өзбекстандын аба мейкиндигин уруксатсыз пайдалангандарга карата административдик да, кылмыш да жоопкерчилигин киргизүү сунушталууда.

Аба мейкиндигин учкучсуз учуучу аппараттарды колдонуу менен бузгандар 100дөн 200гө чейинки минималдуу айлык акы өлчөмүндө айып пул төлөп, административдик жоопкерчиликке тартылышы мүмкүн. Болбосо аппаратты конфискациялоо менен 15 суткага камалышы ыктымал.

Административдик жазага тартылгандан кийин кайрадан эле ушундай мыйзам бузууга барса, ал орточо же оор зыян келтирүү менен коштолсо, айыптуу адам кылмыш жообуна тартылып, эки жылга чейинки түзөтүү иштерине кесилет же үч айга чейин камакка алынат.

2015-жылдын 1-январынан тартып Өзбекстанда учкучсуз учуучу аппараттарды өлкөгө алып кирүүгө, сатууга жана пайдаланууга тыюу салынган.

XS
SM
MD
LG