Ссылки доступа

Казакстан: митинг тууралуу маалыматтан кийин полиция кысымы күчөдү


“Жер маселеси” боюнча жалпы казакстандык митиг болору жөнүндө маалымат тарагандан кийин полиция өлкө аймагында жана Астанада тинтүүлөрдү жүргүзүп, активисттерди кармоодо.

Социалдык түйүндөрдө ушул жуманын аягында жалпы казакстандык митинг өткөрүү туурасында маалымат тарала баштагандан кийин күч түзүмдөрү активисттерди суракка алып, тинтүүлөрдү жүргүзө баштады. Анын ичинде Уральск шаарындагы жарандык активисттер Жанат Есентаев менен Исатай Утепов суракка алынгандыгы кабарланууда.

Мурдагы парламент депутаты Уалихан Кайсаровдун Астанадагы үйүндө мыйзамсыз курал бар деген шылтоо менен тинтүү жүргүзүлгөн. Кайсаров митинг өткөрүү боюнча демилгечи топтун курамында болчу. Астана акимчилиги буга уруксат бербей койгондугу маалым.

Жалпысынан алганда, Казакстандын ар кыл аймактарында 20дан ашуун активист кармалып, суракка алынган. Бирок Астананын ички иштер департаментинин басма сөз катчысы София Кылышбекова кармоолор менен тинтүүлөр туурасында эч кандай расмий маалыматы жоктугун билдирген.

XS
SM
MD
LG