"Мо аз ҷониби Ӯзбекистон мактуби расмӣ гирифтем, ки бозӣ баргузор нахоҳад шуд. Ба ҳамин хотир тамрини тими мо, ки бояд 23 май шуруъ мешуд, ба 28 май кӯчонида шуд. Ба иттилои дабири кулли федератсияи футболи Қирғизисон Достон Конокбоев, бо сабаби норасоии вақт барои муайян кардани рақибони нав дар моҳи июн бозиҳои дӯстона баргузор нахоҳанд шуд. Сарфи назар аз ин бозигарони тими Қирғизистон тибқи нақша тамрин хоҳанд кард", - хабар медиҳад котиби матбуотии Федератсияи футболи Қирғизистон Наталя Угрюмова.
Баъдтар маълум шуд, ки Ӯзбекистон 2 июн дар Тошканд бо тими Гвинеяи Экваторӣ бозӣ мекунад.
Бекор шудани бозӣ миёни ду тими Осиёимиёнагӣ мавҷудияти ангезаҳои сиёсиро ба бор овардааст. Ёдовар мешавем, ки моҳи марти соли ҷорӣ дар вилояти Ҷалолободи Қирғизистон низоъи марзӣ рух дода буд.
18 май Қирғизистон узвияташро дар Бунёди байналхалқии наҷоти Арал, ки яке аз аъзои ин Бунёд Ӯзбекистон аст, бекор кард.