Кыймылдын жаңы лидери болуп анын эки орун басарынын бири Хибатулла Ахундзада молдо дайындалды. Ал мурун “Талибандын” соттук органын жетектеп келген.
Талиптер кол башчынын орун басарларын дагы шайлашты. Бири Сираджуддин Хаккани – Кабулдагы соңку бир нече ири кол салуулар үчүн айыпталган түйүндү башкарган. Экинчиси Мухаммад Якуб — “Талибандын” мурдагы лидери Мухаммад Омардын уулу. Бул туурасында кыймылдын расмий өкүлү Забиулла Муджахид билдирди. Ал Хибатулла “Талибан” лидерлеринин жолугушуусунда шайлангандыгын кошумчалады.
Мансур 21-майда Пакистанда автоунаада бара жатканда америкалыктардын аба соккусунан улам тындым кылынган.
