Тавре сомонаи порлумони Украина хабар медиҳад, 108 вакил раъйи мусбат ва 6 нафар раъйи манфӣ додаанд, аммо 115 вакили дигар худдорӣ варзидааст.
Надежда Савченко, вакили порлумон аз ҳамкасбонаш даъват кардааст, ки "гуноҳонашонро назди мардум бишӯянд". Ба гуфтаи вай, тафтиши иттилоъ дар бораи дороиҳои Порошенко, раиси Бонки миллӣ, вазири молия ва дигар мансабдорони баландпоя дар офшор, ин аввалин иқдоме хоҳад буд, ки ҳокимияти амалкунанда бояд "барои мардум" анҷом диҳад.
Моҳи апрели соли ҷорӣ Эътилофи байналхалқии рӯзноманигорони таҳқиқотгар "Авроқи Панама"-ро нашр кард, ки тибқи он, тиҷорати Порошенко дар соли 2014 ба ширкатҳои офшории ҷазираҳои Вирҷинияи Бритониё интиқол дода шудааст. Президенти Украина мегӯяд, ба хотири ба каси дигар додани тиҷораташ, дороияшро ба офшор интиқол додааст.