Тавре аз ин ниҳод хабар доданд, садақаи фитр сари ҳар як одам 1,6 кило гандум, орд, мавиз ва ё 3,2 кило ҷав ё хурмо муқаррар шудааст.
Дар Қирғизистон ҳоло нархи миёнаи як кило гандум 32 сом (муодили 3 сомониву 20 дирам), орд ва ҷав 48 сом (муодили 4 сомониву 80 дирам), мавиз 320 сом (32 сомонӣ) ва хурмо 384 сом (38,4 сомонӣ) аст.
Ёдрас мешавем, моҳи Рамазон имсол 6 июн фаро расида, 6 июл Иди фитр ҷашн гирифта хоҳад шуд. Дар ин моҳ барои шахси рӯзадор хурдан, нӯшидан, тамоку кашидан ва муносибатҳои маҳрамона аз субҳи содиқ то ғуруби офтоб манъ аст.