Ссылки доступа

Түркиядагы жардырууну Күрттөрдүн жумушчу партиясы уюштурган


Түркиянын түштүк-чыгышындагы автоунаанын жардырылышы боюнча Күрттөрдүн жумушчу партиясы жоопкерчиликти өз мойнуна алды.

8-июнда Сирия чек арасына жакын жердеги Мидьят шаарында полиция бекетине кол салуу болуп, полициянын үч кызматкери жана үч жай тургун каза болгон. “Негизги теракт Мардин облусунун Мидьят шаарындагы полиция бекетинде биздин адам тарабынан жасалды” деп айтылат Күрт жумушчу партиясы 9-июнда тараткан билдирүүдө.

Түркия укук коргоо органдары билдиргендей, жардыруунун кесепетинен үч полиция кызматкери, үч жайкын тургун каза болуп, ондогон адам жаракат алды.

Түрк бийликтери 7-июнда Стамбулда полиция автобусун жардырууга Күрт жумушчу партиясынын тиешеси бардыгына далилдер табылганын билдирүүдө. Стамбулдагы жардыруудан 11 киши каза тапкан.

Анкара менен Күрттөрдүн жумушчу партиясынын ортосунда өткөн жылдын июль айында элдешүү жараяны токтотулгандан бери Түркияда бул сыяктуу окуялар көп катталууда.

XS
SM
MD
LG