Ссылки доступа

Актөбө полициясы жалган маалымат тараткандарды издөөдө


Актөбөдөгү кол салууга байланыштуу Данияр Уайсов аттуу жаран издөөгө алынган эмес. Бул туурасында  облустун Ички иштер департаменти билдирди.

Азыркы тапта жалган маалымат бергендер изделип жатат.

Жекшембиде социалдык түйүндөр аркылуу Актөбө шаарынын тургунумун деген жаран бийликке видеокайрылуу жолдогон. Жаш жигит өзүн Данияр Уайсовмун деп тааныштырып, ысымы өлтүрүлгөн согушчандардын тизмесинде жүргөндүгүнө нааразычылык билдирген.

Согушчандар деп болжолдонгон адамдардын тизмеси сүрөттөрү менен “ВКонтакте” социалдык түйүнүндөгү zello.aktobe баракчасына жарыяланган. Ал тизмеде 29 жашар Данияр Уайсов да жүрөт. Бул топтун өкүлүмүн деген Кайрат аттуу адам маалыматтар WhatsApp аркылуу келгенин айткан.

Актөбөдө 5-июнда куралчан топ курал саткан эки дүкөнгө жана Улуттук гвардиянын аскердик бөлүгүнө кол салган. Натыйжада төрт жергиликтүү тургун менен үч жоокер курман болгон. Атайын операциянын жүрүшүндө жоочу делген 18 адам өлтүрүлүп, тогузу колго түшүрүлгөн.

XS
SM
MD
LG