Әкімшіліктің көкөністі базар ішіне кіргізу туралы шешімі сатушылардың наразылығын туғызған. Базар әкімшілігі өздерінің шешімдерін орындату үшін құқық қорғау органдарының көмегіне жүгінген. Алайда тәртіп сақшыларының дөрекілігі сатушылардың ашу-ызасын көтерген.
"Милиционерлер сатушыларға базардың ішіне кіруді талап етіп, шелектерін аяқтарымен тебе бастады. Нәтижесінде көкөніс шашылып қалды. Ашу-ызаға булыққан саудагерлер милиционерлерге помидор мен қырықжапырақ лақтыра бастады. Бір минөт ішінде қақтығыс басталып кетті. Тәртіп сақшылары қосымша күш шақыра бастады," – дейді оқиға куәгері.
Қоқанд қаласы әкімдігі өкілінің сөзінше, милиция базарға тәртіпке сай шақырылған. "Бәрін сол күні сабырға шақырдық. Барлығы бір-бірлерімен түсіністі. Ешкімді ұстаған жоқпыз," – дейді әкімдік өкілі.