Белгілі болғандай, 38 жастағы Ахмад Турсунбаевқа ірі көлемде алаяқтықпен айналысты деп айып тағылған.
Ахмадбайдың кеңсесін тінтуге және қолма-қол ақшаны санауға ондаған адам тартылған.
Өзбекстанның құқық қорғау органдарындағы Озодлик дереккөзі бойынша, кеңседен 40 миллиард өзбек сомы мен 2 миллион АҚШ доллар қаржы тәркіленген. Ірі көлемде ақша алынғанын, процесс кезінде түсірілген суреттерден көруге болады.
Озодлик радиосының өзге дереккөзі бойынша, "Ахмадбай өзбек-америкалық GM Uzbekistan автоконцернін тексеру ісі бойынша ұсталған".
Ақпарат көзіне қарағанда, Ахмад Турсунбаевтың өзі 15 маусымда құқық қорғау органдарының өкілдері басып кіргенде, кеңсесінде болған.
