Эки өлкө лидерлери орус-кытай өнөктөштүгүн арттыруу маселесин, анын ичинде соода-экономикалык, инвестициялык, илимий-техникалык жана гуманитардык кызматташтыкты талкуулашат.
Кремль кабарлагандай, жолугушуунун күн тартибине БУУ, БРИКС, "чоң жыйырмалык" алкагындагы суроолор киргизилген. Мындан тышкары 23-24-июнда Ташкентте өтө турган ШКУ саммитинде кабыл алынчу макулдашуулар талкуу бутасына алынат.
Орусиянын вице-премьер-министри Дмитрий Рогозиндин айтымында, лидерлер транс чек аранын унаа инфраструктурасын, глобалдык спутник системаларын өнүктүрүү, Түндүк деңиз жолун биргелешип жакшыртуу жана "Белкомур" темир жолун чогуу куруу маселелерин талкуулашат.
