22 маусымда Тәжікстан парламенті "Үкімет жөніндегі" және "Маджлиси милли мен Маджлиси намояндагон Маджлиси Оли мүшелерінің құқықтық мәртебесі туралы" конституциялық заңға өзгерістер енгізу жөніндегі заң жобасын қабылдады.
Тәжікстан парламентінің төменгі палата спикері Шукурджон Зухуров ант беруді президенттің өзі ұсынды дейді.
Парламент депутаты Мавзуна Шарофиддинованың пікірінше, ант беру үкімет мүшелерінің жауапкершілігін арттыру үшін қажет. Аталған құжат президент қол қойғаннан кейін және баспасөзде жарияланғаннан кейін күшіне енеді.
"…Қызметімді атқару барысында Конституцияны сақтай отырып, Тәжікстан заңдарын, Тәжікстан президентінің жарлықтарын орындауға, заңдылық пен әділеттілік принціптерін ұстануға, халықаралық аренада елдің имиджін одан әрі көтеріп, қызмет етуге ант етемін", -делінген мәтінде.
Тәжік қоғамында ант пен серт беру үлкен маңызға ие. Бұл адамдарға сенім туғызады.