Тәжікстан президент әкімшілігінің тапсырмасы бойынша, Рамазан айында шенеуніктердің, имам-хатибтер мен кәсіпкерлердің зекет беруін бақылау жұмысы дін істері және салт-дәстүрлерді реттеу жөніндегі комитетке тапсырылды.
Тәжікстан президенті Эмомали Рахмонның қызы, президент әкімшілігінің жетекшісі Озода Рахмонның қолы қойылған осындай қаулы 29 маусымда облыс, қала және аудан басшыларына, сондай-ақ мешіт имамдары мен кәсіпкерлерге таратылды. Қаулыға сәйкес, шенеуніктер, мешіт имамдары мен кәсіпкерлер отбасы мүшелерінің тізімін, ораза айында берілген зекет мөлшерін президент әкімшілігіне қоса жазып өткізуі тиіс.
Тәжікстанда биыл оразаның аяқталуына арналған Айт мерекесі 6 маусымда атап өтіледі. Елде 18 мыңнан астам мемлекеттік қызметкер, төрт мыңнан аса имам-хатиб бар.