Өлкө президенти калкты шарияттын шарттарына ылайык, кайыр-садаканы бир гана жетим, майып, муктаж жана кароосуз калган адамдарга берүүгө үндөдү.
Рахмон жергиликтүү аткаруу бийлигине Рамазан майрамынын алдында диний бирикмелер менен бирге кайрымдуулук иш-чараларын өткөрүүнү тапшырды.
Дин иштери боюнча комитет Уламалар кеңеши, Ислам таануу борбору жана ММКлар менен биргеликте кайыр-садака берүүнүн маңызын элге түшүндүрмөй болушту.
Буга чейин тажик чиновниктери тизмеде турган муктаж адамдарга майрамдык зекет берүү боюнча тапшырма алышкан. Жыйынтыгын аткаминерлер Тажикстан президентинин администрациясына билдириши керек. Чиновниктер, имам-хатибдер үй-бүлө мүчөлөрүнүн тизмесин жана берилген кайыр-садаканын суммасын жазып өткөрүүгө милдеттендирилген.