Ссылки доступа

Путин "маҷмуаи зиддитеррористӣ"-и Яроваро имзо кард


Владимир Путин, президенти Русия "маҷмуаи зиддитеррористӣ"-и вакили порлумон Ирина Ярова ва узви Шӯрои федератсия Виктор Озеровро, ки қонунгузории ин кишварро сангинтар мекунад, имзо намуд.

Дар ин бора Дмитрий Песков, сухангӯи президенти Русия иттилоъ додааст.

Ин маҷмуаи тағйиру иловаҳо барои "хабар нарасонидан" ва "майл доштан" ба ширкат дар бетартибиҳои оммавӣ ҷазои ҷиноӣ пешбинӣ менамояд. Ба ҷуз ин, ширкатҳои мобилӣ вазифадоранд, ки минбаъд суҳбатҳои телефонию паёмакҳоии муштариёнашонро сабт ва ҳифз намоянд.

Ҳомиёни ҳуқуқ ва мухолифони сиёсӣ, ки зидди "маҷмуаи Ярова-Озеров" ҳастанд, мегӯянд, ин ҳуҷҷат на танҳо дар мубориза зидди терроризм кумак мекунад, балки маҳдудияти ҳуқуқу озодии шаҳрвандонро низ пурзӯр менамояд.

Зиёиёни Конгресс меъёрҳои навро зидди конститутсионӣ хонда, Шӯрои ҳуқуқи инсони президент ҳам тавсия додааст, ки "маҷмуаи зиддитеррористӣ" рад шавад.

Ширкатҳои мобилӣ мегӯянд, қабули "маҷмуаи Ярова-Озеров" пайоварди манфӣ дорад. Ба гуфтаи онҳо, масъулиятҳои нав арзиши хизматрасониҳоро ду-се баробар боло хоҳад бурд.

XS
SM
MD
LG