Ссылки доступа

Нерӯҳои ҳавоии Ӯзбекистон соҳиби 16 чархболи нав шуд


Нерӯҳои ҳавоии Ӯзбекистон соҳиби чархболҳои AS 332 (H225) Super Puma ва AS 350 Ecureil шуд. Дар ин бора сомонаи kun.uz иттилоъ додааст.

Ӯзбекистон бо ширкати Airbus Helicopters барои харидории 8 чархболи борбари AS 332 (H225-и муосир) ва 8 чархболи мусофирбари AS 350 Ecureil соли 2013 шартномаеро имзо карда буд.

Тобистони соли 2014 Airbus Helicopters ду чархболи AS 350 Ecureil-и ғайринизомиро дастраси мақомоти Ӯзбекистон намуда, боқиро то ибтидои соли равон ба ин кишвар интиқол дод. Бояд гуфт, Airbus охирҳои моҳи апрел низ ба Ӯзбекистон чаҳор ҳавопаймои низомии C295W ҳам дод.

Ёдрас мешавем, ки моҳи апрели соли равон бахши ӯзбекии Радиои Озодӣ хабар дод, ки дар ҳоли ҳозир қуваҳои мусаллаҳи Ӯзбекистон қавитарин артиш дар Осиёи Марказӣ аст.

Бино ба иттилои сомонаи Global Firepower, Қувваҳои мусаллаҳи Ӯзбекистон 420 танк, 166 ҳавопаймо, 715 мошини хушкигарди ҷангӣ, 143 худрав, 880 тӯп ва 109 системаи оташандоз дорад. Буҷаи низомии Ӯзбекистон солона 70 миллион долларро ташкил медиҳад.

XS
SM
MD
LG