Өкмөттүн отурумунан кийин элге кайрылуусунда ал ушул тапта төңкөрүш жасоого аракеттенген жети жарым миң адам кармалып, 10 миңдей адам кызматтарынан бошотулгандыгын айтты.
Йылдырым ошондой эле Түркия менен АКШнын алакасына токтолуп, түрк бийлиги бул мамилелерди кайра карап чыгууга даяр экендигин билдирди. Анкара Вашингтондон төңкөрүшкө түздөн түз тиешеси бар делген ислам диниятчы Фетхуллах Гүленди кайтаруусун талап кылган. Ал эми Гүлен өзү ал окуяларга такыр тиешеси жок экендигин айтууда.
