Воқеӣ будани навор ҳанӯз тасдиқ нашудааст, аммо он, тавре Reuters менависад, дар саҳифаи шабакаи иҷтимоии Telegram, ки аз сӯи гуруҳи ҷиҳодӣ идора мешавад, нашр гардидааст.
Дар ҳафтаҳои охир ҳамлаҳои хунине, ки дар чанд шаҳри аврупоӣ рух дод, масъулияти онҳоро ҷиҳодиён бар уҳда гирифтанд. Ҳафтаи гузашта ҷинояткорон руҳонии масеҳии куҳансолеро дар Фаронса ба қатл расониданд. Нахуст ӯро ба зону шинонда, баъдан сарашро аз тан ҷудо карданд.
Шуруъ аз 14 июл, замоне, ки дар Нитсаи Фаронса қатли дастаҷамъии истироҳаткунандагон сурат гирифт, чаҳор рӯйдоди дигар дар Олмон рух дод. Миёни ин рӯйдодҳо ҳамлаи маргталаб ба консерти шаҳри Ансбах низ буд.