Мамыр айында «Халық парламентінің» ең белсенді мүшелері - Бекболот Талгарбеков, Торобай Колубаев, Александр Гусев және Марат Султановтар ұсталған еді. Олар қолға түсіру қарсаңында Интернетте ұйым мүшелерінің өзара әңгімелерінің бейне және аудиотаспалары жарияланды.
Парламенттің бұрынғы спикері, қоғам белсендісі Мукур Чолпонбаев тергеудің ұзаққа созылуын салмақты дәлел болмағандығымен түсіндіреді. «Менің ойымша, олардың кінәсін дәлелдей алмайды, өйткені олардың әңгімелерінің таспасынан басқа дәлел жоқ. Екіншіден, билікке қарсы шыққандардың бәрін осындай жаза күтіп тұрғанын көпшілікке әдейі көрсетіп отыр. Олар Конституцияны қазір өзгерткілері келеді. Қудалаулардың соған қатысы болуы мүмкін», - деді ол.
Дегенмен парламент депутаты Алмамбет Шыкмаматовтың пікірінше, іс сотқа дейін жетсе, көп нәрсенің беті ашылып қалуы мүмкін.
«Халық парламенті» биыл сәуір айында құрылған. Ұйым билікке де, оппозцияға да жатпайтынын хабарлады. Қозғалыс мүшелері астананың бас алаңына 50-60 мың адамды митингке жинауды көздеген, ал оның жетекшісі Бекболот Талгарбеков ұйымды билікке жақын ресейлік генералдар қолдайды деп мәлімдеген.