Судья Ақболат Құрмантаев адвокат Андрей Петровтың тағы екі өтінішін мақұлдамады. Қорғаушы сот-экономикалық сараптама тағайындауын және істі Алматыда қарауын сұраған еді. Сот 23 тамызда басталады.
Матаевтардың адвокаттары сот шешімдерімен келіспейтіндерін айтып, оның үстінен шағым түсіретіндерін мәлімдеді, деп хабарлады ҚазТАГ агенттігі.
Сейітқазы Матаев ақпаннан бері үйі қамауында отыр, ал оның ұлы – наурыздан бері. Шілденің аяғында сот олардың үй қамауында отыру мерзімін тағы екі айға созды. Оларға аса ірі көлемде алаяқтық жасады деген айып тағылған, Сейітқазы Матаевқа салықтан жалтарды деген айып қосылды. Сотталушылар бұл айыптарды мойындамайды.