Ҳамчунин ба гуфтаи Исо Мустафо, сарвазири Косово, афроди номаълум дар манзили зисти раиси комиссияи умури марзҳо маводи тарканда ҷой намудаанд. Қаблан низ мухолифони Косово ҷаласаи порлумонро дар мавзуи марзи ин кишвар бо Черногория вайрон карда буданд.
Ин созишнома сафари бидуни раводиди сокинони Косоворо ба Иттиҳоди Аврупо пешбинӣ менамояд. Мухолифон мегӯянд, Косово баъди аломатгузории хатти сарҳадаш беш аз 8 ҳазор гектар заминро аз даст медиҳад.
Минтақаи худмухтори пешини Сербия Косово соли 2008 истиқлоли худро эълон кард. Аммо се кишвари аҳдномаи Шенген Испания, Словакия ва Юнон ин ҷумҳуриро эътироф наменамоянд. Дар ҳоли ҳозир сокинони Косово ба ин кишварҳо на бо раводиди Шенген, балки бо визаи худи онҳо сафар мекунанд.