Ссылки доступа

БҰҰ: Алеппо гуманитарлық апат алдында тұр


БҰҰ-ның гуманитарлық мәселелерді үйлестіру жөніндегі басқармасының баспасөз хатшысы Йенс Лэрке Женевада Алеппо мәселесі туралы баспасөз мәслихатын өткізіп, су және электр жүйесі әбден бұзылған сириялық қаланың қазіргі жағдайы аса мүшкіл екенін хабарлады.

Оның мәлімдеуінше, осы аптада Алепподағы азаматтық инфрақұрылымға жасалған шабуыл салдарынан қаланың су және электр қуаты жүйесі қатты зақымданып, екі миллиондай тұрғын жарықсыз, сусыз қалды.

"Құдықтар мен қоймалардағы су халықтың сұранысына жетпейді. Бұл жүйе тез арада қалпына келтірілмесе, оның салдары миллиондаған адамға қиын тиеді", - деді БҰҰ өкілі.

БҰҰ Алеппода гуманитарлық тыныштық жариялауға шақырды.

Шілде айының басында Сирия президенті Башар Асадтың жақтастары қаланың бүлікшілер бақылауындағы аудандарға апаратын жолдарды жауып тастады. Онда 250 мың адам тұрады. Бүлікшілер болса 7 тамызда Асад әскерінің Алеппоның батыс аудандарына шығатын жолын бөгеп қойды.

XS
SM
MD
LG