Ссылки доступа

Быйыл дагы өлкөдөгү 600 мектеп интернетсиз калышы мүмкүн


Кыргызстандын провайдерлери 600 мектепти интернетке туташтыруу боюнча Билим берүү жана илим министрлигинин тендерине катышууга билдирме беришкен жок. Бул тууралуу министрлик башчысы Эльвира Сариева Фейсбуктагы баракчасына жазды.

Ал өлкөдөгү 600 мектепти интернетке туташтыруу үчүн республикалык бюджеттен 163 миллион 600 миң сом каражат бөлүнгөнүн билдирди. Сариева Билим берүү министрлиги быйыл жайында тиешелүү тендер жарыялаганын кошумчалады. Бирок ага катышууга «Кыргызтелеком» акционердик коому гана билдирме жөнөтүп, анын сунуштаган баасы ал максаттар үчүн каралган суммадан ашып кеткен.

«1-сентябрга карата ал мектептерди зымсыз интернетке туташтыра ала турган жеке провайдерлер кандайдыр бир себептер менен тендерге катышпоону чечишкен... Анан да бизге «мамлекет менен байланыш түзүүнү каалабай тургандыктарын» билдиришти… Уксаңар, инфраструктуралык маселелер менен алектенүү Билим берүү министрлигинин иши эмес. Өзүңөрдүн тар багыттагы пландарыңарды кое туруп, учурда өлкөбүздүн ⅙ бөлүгүнүн мектепте экени тууралуу ойлогула, алар эртең эле бүтүндөй Кыргызстандын негизги кыймылдаткыч күчү болушат», - деп жазды Сариева.

XS
SM
MD
LG