Ссылки доступа

Додситони нави Тошканд баъди 6 моҳ таъйин шуд


Бо фармони додситони кулли Ӯзбекистон Ботир Қудратхоҷаев, мушовири калони адлия додситони шаҳри Тошканд таъйин шудааст.

Аммо дар ин бора то ҳол на хадамоти матбуотӣ ва на сомонаи расмии Додситонии кулли Ӯзбекистон хабар надодааст.

Ин дар ҳолест, ки манбаи бахши ӯзбекии Радиои Озодӣ мегӯяд, Ботир Қудратхоҷаеви 41-сола, ки аз соли 2014 инҷониб вазифаи додситонии вилояти Сурхандарёро ба зимма дошт, додситони Тошканд таъйин гардидааст.

Қудратхоҷаев дар ин мақом Мирзоҳид Обидовро иваз намуд, ки ӯ 11 марти соли равон муовини раиси шаҳри Тошканд таъйин гардида, то ҳол касе ба ҷояш интихоб нашуда буд. Шаш моҳи ахир онро муваққатан Мираглам Мирзоев иҷро менамуд.

Ботир Қудратхоҷаев аз соли 2010 то 2014 ба ҳайси додситони низомии Минтақаи шарқии ҳарбӣ кор карда, аз соли 2012 то 2014 муовини аввали додситони низомии Ӯзбекистон буд.

XS
SM
MD
LG